ਦੇਖ ਹਮਾਰਾ ਹਾਲ ! (ਨਿੱਕੀ ਕਹਾਣੀ)

ਕੂਲਰ ਦਾ ਪੰਪ ਖਰਾਬ ਹੋ ਗਿਆ ਹੈ ! ਭੇਜੋ ਕਿਸੀ ਨੂੰ ਤੇ ਨਾਲ ਉਸ ਨੂੰ ਕਹਿਣਾ ਕਿ ਕੂਲਰ ਸਾਫ਼ ਵੀ ਕਰ ਦੇਵੇਗਾ ! (ਦੂਰ ਕਿਸੀ ਗੁਰਦੁਆਰੇ ਦੇ ਪ੍ਰਧਾਨ ਨੂੰ ਉਸ ਦੀ ਵੋਹਟੀ ਨੇ ਫੋਨ ਤੇ ਕਿਹਾ)

ਇੱਕ ਮਿੰਟ ਹੋਲਡ ਕਰ ! ਵੇਖਦਾ ਹਾਂ ! (ਫੋਨ ਹੋਲਡ ਕਰਦਾ ਹੈ)

ਸੇਵਾਦਾਰ ਗੁਰਨਾਮ ਕਿੱਥੇ ਹੈ ? ਬੁਲਾ ਉਸ ਨੂੰ ਤੇ ਮੇਰੇ ਘਰ ਭੇਜ ਦੇ ! ਕਹਿਣਾ ਪ੍ਰਧਾਨ ਸਾਹਿਬ ਦੇ ਘਰ ਕੁਝ ਕੰਮ ਹੈ ! (ਪ੍ਰਧਾਨ ਜੀ ਨੇ ਮੈਨੇਜਰ ਨੂੰ ਕਿਹਾ)

"ਦੇਖ ਹਮਾਰਾ ਹਾਲ ! " ਇਨ੍ਹਾਂ ਕੁਝ ਲੋਕਾਂ ਕਾਰਣ ਹੀ ਗੁਰਦੁਆਰਾ ਪ੍ਰਬੰਧ ਬਦਨਾਮ ਹੈ ! ਕਿਸੀ ਕੰਮ ਤੋਂ ਪ੍ਰਧਾਨ ਨੂੰ ਮਿਲਣ ਆਏ ਹਰਜੀਤ ਸਿੰਘ ਦੇ ਮੂੰਹੋਂ ਸਹਿਜ ਸੁਭਾਏ ਨਿਕਲਿਆ !